Kodi (softwarea)

Kodi
Jatorria
Sorrera-urtea	2002
Azken bertsioa	21.0
Behar ditu	FFmpeg (en)
Ezaugarriak
Euskarria	x86 (en) , x86-64 (en) , ARM arkitektura eta PowerPC (en)
Sarrera gailua	ukimen-pantaila
Programazio-lengoaia	C, C++ eta Python
Sistema eragilea	Free Lossless Audio Codec (en) eta XBMC Smart Playlist (en)
Irakur dezake	Microsoft Windows, Linux, FreeBSD, macOS, Apple TV (en) , iOS eta Android
Idatz dezake	Free Lossless Audio Codec (en) eta XBMC Smart Playlist (en)
Egile-eskubideak	copyright, egile-eskubideen titularrak jabari publikoari eskainia
Lizentzia	GPLv2
Euskaraz
Euskaraz	Hein handi batean Bai
Kodi.tv
Iturri-kodea	https://github.com/xbmc/xbmc

Kodi, lehenago Xbox Media Center, edo laburrago XBMC, XBMC Fundazioak garatutako doako software-aplikazio bat da, software librez eraikia, filmak, audioak eta kode irekiko hedabideen ekoizpenak erreproduzitzeko. Irabazi-asmorik gabeko partzuergo teknologiko batek sortu zuen eta kudeatzen du Kodi. Hainbat sistema eragile eta hardware-plataformatarako eskuragarri dago. Kodi softwareak erabiltzaileei aukera ematen die sekuentzien bidezko transmisio-bide gehienak erreproduzitzeko eta ikusteko, hala nola audioak, podcastak eta Interneteko hainbat formatutako bideoak, eta tokiko eta sareko biltegiratze-bitartekoen multimedia-fitxategi digitalak ere bai.

Etxeko zinemarako plataforma anitzeko aplikazioa da PCrako. Kodi pertsonalizagarria da: azaleko itxura alda daitezke, eta gehigarri asko onartzen ditu, horietako batzuk multimedia edukietara denbora errealean sartzeko aukera ematen diete erabiltzaileei, hainbat telebista kate eta irrati katetarako bidea errazten du, Amazon Prime Instant Video, Crackle, Pandora Internet Radio, Rhapsody, Spotify, ETB Nahieran eta YouTube bezalako lineako zerbitzuekiko bideak zabaltzen ditu, gehigarri egokiak intalatuz gero.

Softwarea 2002an sortu zen Xbox Media Player izeneko garapen independenteko multimedia erreproduzitzaile gisa, lehen belaunaldiko Xbox jokoen kontsolarako, eta 2004an Xbox Media Center (XBMC bezala laburtua eta 2008an izen ofizial bezala hartua). Beranduago XBMC izenarekin Androiden oinarritutako sistema eragileetarako jatorrizko aplikazio bezala eskuragarri egon zen.